|
 |
|
ERREALAREN GARAIPEN GARRANTZITSUA |
|
|
|
|
|
|
|
| Ostegunean garaipena lortu zuen talde txuri urdinak Ourenseren aurka 0-1 irabaziaz. Partidu honen ostean donostiarrak bostgarren dira, play off-etako postuetatik puntu bakar batera.
Ez zen partidu erraza izan taldearentzat, aurretik talde bakar batek lortu baitzuen punturik galiziarren zelaian. Hala eta guztiz ere, Errealak oso garrantzitsuak diren bi puntu lortu zituen, eta, hauei esker, geroz eta gertuago dute Erreginaren Kopa jokatu ahal izateko garaipena.
Talde galiziarra da errefortzu gehien dituen taldeetako bat, etxekoak diren lau jokalari soilik baititu. Gainontzeko taldekideak argentinarrak, uruguaiarrak eta japoniarrak direlarik, ondorioz, garaipenak are eta zapore hobea du.
Norgehiagokaren hasieratik Errealak partidua nahi bezala eramatea lortu zuen. Lehen minutuetan berau zelarik garaipena lortu nahi zuen bakarra. Hortik aurrera, jokoa berdindu egin zen eta galiziarrak izan ziren gol aukerak izan zituztenak, batez ere, Saekie Marimoto japoniarraren bidez.
50.minutuan, Maite Azkoaga gipuzkoarrak garaipenaren gola lortu zuen, penalti batez emaitza bezala. Eta, azken hamar minutuetan, lan nabaria egin behar izan zuten txuri urdinek aurkarien kontraerasoak geratu ahal izateko.
Nestor Regaladoren taldeak ez du denbora asko izango atsedenerako, igandean bertan Egara talde katalanaren aurka lehiatu beharko baitira Donostian, garrantzia handia duen partiduan. Garaipena lortu ezkero, Errelak Erreginaren Kopa jokatuko du. |
|
|
|
|
|
|