| Hasera batean, laudiotarren aurkako larunbateko lehiak ez zirudien batere erreza. Gardeako (Laudio) zelaia beti izan da bereziki zaila talde donostiarrarentzat, zelai motel eta astuna izanik, inoiz ez bait zuten garaipenik lortu bertan. Era honetan, Kalek partidua menperatu zuen lehenengo 15 minutuetan zehar, eta Kale markagailuan aurreratu zen, Aitor Kuberok amaitu zuen paseen bitartez eginiko jokaldi on baten ondorioz. Halere, partidua geroz eta lehiatuagoa izan zen, etxeko taldea kontraeraso baten ondorioz partidua berdintzea lortu zuelarik partiduaren etenaldia baino lehen.
Bigarren zatia lehenengoa amaitu zen bezalatsu hasi zen; Kalek partiduaren pisua zeraman, eta Ganbegik, bere jokoari leial, ez zuen bolarekin jolastu nahi izan eta bere atetik gertu itxaroten egon zen, kontra baten bitartez emaitza bere alde jartzeko zain. Halere, partiduaren amaierarako 15 minutu falta zirelarik, Iker Antolin-en pase on bati probetxu ona atera zion taldearen pitxitxiak, David Vicente-k, porteroaren irteera gainetik gaindituz, eta era honetan 1-2ko behin betiko markagailua lortuaz. Momentu honetatik aurrera, donostiarrek emaitzari kementsu heldu behar izan zioten, Garate anaien epaile-lan zorrotzegi baten ondorioz, jokalari gutxiagorekin jokatu behar izan bait zuten bigarren tartearen zati luze batean zehar.
Kale-ren hurrengo partidua Bera Beran jokatuko da, 16:30tan, ligako zazpigarren sailkatuaren aurka, Atlético San Sebastián B.
|